بالي ووڊ اداڪارا عاليا ڀٽ انڪشاف ڪيو آهي ته هوءَ هڪ اهڙي مرض ۾ مبتلا آهي جنهن سبب هو گهڻي وقت تائين ميڪ اپ نٿي ڪري سگهي. ڀارتي ميڊيا رپورٽن موجب تازو هڪ ميگزين کي ڏنل انٽرويو ۾ عاليا ڀٽ انڪشاف ڪيو ته هوءَ اي ڊي ايڇ ڊي (اٽينشن ڊيفيسٽ هائپر ايڪٽيوٽي ڊس آرڊر) نالي مرض ۾ مبتلا آهي، جنهن سبب هوءَ 45 منٽن کان وڌيڪ سيٽ تي ميڪ اپ ۾ نٿي ڪري سگهي، تنهنڪري هر وقت سادي رهڻ کي ترجيح ڏئي ٿي. عاليا ڀٽ وڌيڪ چيو ته اي ڊي ايڇ ڊي سبب مان شين تي گهڻو وقت گذارڻ ۾ دلچسپي نه وٺندي آهيان، مون کي لڳي ٿو ته جيڪو ڪجهه ٿي رهيو آهي اهو جلدي ٿيڻ گهرجي ان ڪري مان ميڪ اپ سيٽ تي 45 منٽن کان وڌيڪ وقت به نه گذاريندي آهيان. اداڪارا جو چوڻ هو ته شادي جي ڏينهن به ميڪ اپ آرٽسٽ عرض ڪيو ته مان تياري لاءِ 2 ڪلاڪ ڏيان پر مون انڪار ڪندي چيو ته مان توهان کي ڪلاڪ نه ٿو ڏئي سگهان ڇو ته مان ٿڌو ٿيڻ چاهيان ٿي. اهو ياد رکڻ گهرجي ته ADHD هڪ ذهني خرابي آهي جنهن ۾ مبتلا ماڻهو ڌيان ڏيڻ ۾ مشڪلاتن کي منهن ڏئي ٿو ۽ نتيجن جي پرواهه ڪرڻ کانسواء ڪم انجام ڏئي ٿو. عاليا ڀٽ 2022 ۾ رنبير ڪپور سان شادي ڪئي ۽ ٻئي ساڳئي سال نومبر ۾ ڌيءَ راها جا والدين بڻجي ويا.