پاڪستاني اداڪار ۽ هدايتڪار ياسر حسين انڪشاف ڪيو آهي ته هن خواب ۾ مرحوم مذهبي اسڪالر ۽ سياستدان عامر لياقت کي ڏٺو. ياسر حسين تازو ئي عشنا شاهه جي هڪ شو ۾ شرڪت ڪئي، جنهن دوران عشنا کانئس پڇيو ته مون کي تازو ڏٺو خواب ٻڌايو جيڪو توهان کي ياد آهي. ان سوال جي جواب ۾ ياسر چيو ته مون عامر لياقت کي ڪالهه خواب ۾ ڏٺو. ياسر حسين چيو ته مون خواب ۾ ڏٺو ته عامر لياقت آمريڪا ۾ هڪ خوبصورت گهر ۾ پنهنجي زال ۽ ٻارن سان گڏ ان گهر ۾ رهي رهيو پيو. اداڪار وڌيڪ چيو ته مون کي هن گهر جي باري ۾ صرف ايترو ئي خبر آهي ته اهو خوبصورت هو، مون کي خبر ناهي ته هو آمريڪا ۾ ڪٿي رهي ٿو جڏهن ته عامر لياقت خواب ۾ قميص شلوار پائي رهيو هو. واضح رهي ته عامر لياقت حسين جون 2022 ۾ 49 سالن جي عمر ۾ لاڏاڻو ڪري ويو هو، هن 3 شاديون ڪيون هيون، جن ۾ ڊاڪٽر سيده بشرا اقبال، سيده طوبيٰ انور ۽ دانيه ملڪ شامل آهن. عامر لياقت حسين سوڳوارن ۾ ٻه ٻار دعا عامر ۽ احمد عامر ڇڏيا آهن