سنڌ جي مختلف شهرن ۾ وقفي وقفي سان برسات جو سلسلو جاري آهي، جنهن سبب جهر جهنگ هڪ ٿي ويو آهي. دڙي ۽ ڀرپاسي جي مختلف يوسيز اڪبر شاھه، خانپور، لائقپور، بچل گگو، حسين پور، ڪنڊور سميت ٻين علائقن ۾ 6 ڏينهن کان برسات جو سلسلو وقفي وقفي سان جاري آهي. برسات سبب هيٺانهين وارن علائقن ۾ پاڻي بيهجي ويو. مختلف يوسيز ۾ ڪيترائي ڪچا گهر ڊهي پٽ پئجي ويا آهن. برسات سبب ساريالي فصل کي سخت نقصان پهتو آهي، هزارين ايڪڙن تي پوکيل ساريالو فصل پاڻي هيٺ اچي ويو. بجلي سميت مواصلاتي نظام ڊانواڊول بڻيل آهي.