برسات سبب جاتي جي ڳوٺ لونگ ابڙو ۾ 40 کان وڌيڪ ڪچا گهر ڊهي پٽ ٿي ويا. ديھه سير ڳنڊو جي ڳوٺ لونگ ابڙو ۾ تيز برساتن ۽ هوائن سبب 40 کان وڌيڪ ڪچا گهر پٽ پئجي ويا. ڪيترائي متاثر کلي آسمان هيٺ بي يارو مددگار ويٺل آهن. متاثر ڳوٺاڻن جو چوڻ آهي ته لاڳيتي برساتن ۽ تيز هوائن سبب گهر ڪري پيا آهن، جنهن سبب کلي آسمان هيٺ بي يارو مدد ويٺل آهن. ڳوٺاڻن مطالبو ڪيو ته ضلعي انتظاميه ۽ چونڊيل نمائنده نوٽيس وٺي ٿيل نقصان جو ازالو ڪيو وڃي.