بلوچستان جي مختلف علائقن ۾ برسات جو سلسلو جاري آهي، ڪيترائي گهر ڊهي پٽ پئجي ويا. ڪوئيٽا، مستونگ، بولان، هرنائي، زيارت، پشين، سبي، مڇ، ڪولپر، قلع سيف الله سميت ٻين شهرن ۾ برسات تباهي مچائي ڇڏي. قلع سيف الله جي علائقن موسيٰ زئي ۽ ڪلي اختر زئي برسات جو پاڻي گهر اندر داخل ٿي ويو. ڪوئيٽا -جيڪب آباد روڊ بولان واري علائقي ۾ پنڃرا پل وٽ ٽريفڪ لاءِ بند ڪيو ويو آهي. ڪوئيٽا جو سرياب وارو علائقو پاڻي هيٺ اچي ويو. برسات سبب ڪيترائي ڪچا گهر ڊهي پٽ پئجي ويا آهن.