شهيد ڀٽو هڪ عظيم مفڪر، جرئتمند اڳواڻ ۽ عوام جو سچو نمائندو هو، ذوالفقار علي ڀٽو پاڪستان کي ترقي، آزادي ۽ عوامي ڀلائي جي رستي تي آندو ۽ پاڪستان جي ايٽمي پروگرام جو بنياد رکيو، ملڪ جي پرڏيهي پاليسي کي هڪ آزاد ۽ خودمختار حيثيت ڏني، صدر آصف علي زرداري جو شهيد ڀٽو جي ورسي تي پيغام، چوي ٿو، پاڪستان، ذوالفقار علي ڀٽو جي صدارت هيٺ اسلامي سربراهي اجلاس جي ميزباني ڪئي، شهيد ذوالفقار علي ڀٽو مسلم امت جي اتحاد لاءِ رستو کوليو قائد عوام 1971ع جي سانحي وقت شڪست کاڌل قوم ۽ ملڪ جي قيادت ڪري نئون روح ڦوڪيو، شهيد ڀٽو مايوس ملڪ کي سنڀاليو ۽ عوام جا حوصلا بلند ڪيا، پاڪستان جي معيشت، زراعت ۽ صنعت ۾ انقلاب آڻي، پورهيتن کي حق ڏياريا ۽ کين بااختيار بڻايو، پ پ چيئرمين بلاول ڀٽو زرداري جو شهيد ڀٽو جي ورسي جي موقعي تي پيغام، سندس چوڻ آهي ته شهيد ڀٽو ملڪ کي هڪ متفقه آئين ڏنو، جنهن جمهوريت ۽ بنيادي حقن جي ضمانت ڏني، ملڪ کي ايٽمي طاقت بڻايو ۽ پاڪستان جو دفاع مضبوط ڪيو.