وفاقي حڪومت پيپلز پارٽي جي ڪري بيٺل آهي، جيڪڏهن پ پ اڄ وفاقي حڪومت جي سپورٽ ڇڏي ته چونڊون ٿي سگهن ٿيون يا ڪجهه ٻيو ٿي سگهي ٿو، مخالف ڌر جي مطالبي تي حڪومت جو ساٿ نه ٿا ڇڏي سگهون، پيپلز پارٽي خلاف ڪينالن بابت پروپيگنڊا ڪئي پئي وڃي، ميڊيا تي ڪينالن بابت غلط خبرون ھلايون پيون وڃن، پيپلز پارٽي خلاف پروپيگنڊا ڪندڙ پهريان ستل هئا، صدر آصف زرداري واضح طور تي چيو آهي ته ڪئنال منصوبي جي حمايت نه ٿا ڪري سگهون، مان به هڪ ڀيرو ٻيهر واضح ڪريان ٿو ته ڪئنال نه ٺهي رهيا آهن، جيستائين مون کي خبر آھي ڪينالن جي اڏاوت تي هڪ روپيو به خرچ ناھي ٿيو، ڪينالن خلاف اسان بيٺل آھيون: سنڌ جي وڏي وزير سيد مراد علي شاهه جون سکر ۾ ميڊيا سان ڳالهيون، سندس چوڻ آهي ته پنجاب 218 ارب رپين جو هڪ منصوبو شروع ڪيو آھي، آئين موجب سمورا صوبا متفق نه ھجن، پاڻي جو ڪوبه منصوبو شروع نٿو ٿي سگھي، پاڻي جو معاملو سي سي آءِ ۾ ويندو آھي، مشاورت ٿيندي آھي، نگران وڏي وزير به ڪينالز جي منظوري تي مخالف ڪئي، پ پ ڪئنال منصوبو نه ٺهڻ ڏيندي، سنڌ جي عوام جي حقن تي ڪو به ڌاڙو برادشت نه ڪنداسين، گڏيل مفادن واري ڪائونسل جو اجلاس نه سڏائڻ وفاقي حڪومت جي نااهلي آهي، سکر حيدرآباد موٽر وي منصوبو پبلڪ پرائيويٽ پارٽنرشپ تحت مڪمل ٿيڻو آهي