اداڪارا ۽ ميزبان ندا ياسر ميزبان رابعه انعم کي پنهنجي شو ۾ دعوت ڏيڻ بابت پنهنجي بيان تي واضح ڪري ڇڏيو آهي. هڪ انٽرويو ۾ ندا ياسر چيو ته مان رابعه انعم کي اهو نه چيو هو ته مان کيس پنهنجي شو ۾ دعوت نه ڏيندس، هوءَ هڪ سٺي عورت آهي، ڪڏهن ڪڏهن ائين به ٿيندو آهي ته ڪنهن جو خراب ڏينهن هوندو آهي ته اهڙيون حالتون پيدا ٿينديون آهن. هن چيو ته هر ڪنهن جي زندگين جي خبر آهي پر هڪ ميزبان جي حيثيت سان شو جا مهمان منهنجا مهمان آهن، اهو ٺيڪ ناهي، مان انهن کي ذليل نٿي ڪري سگهان ۽ نه ئي ڪنهن ٻئي مهمان کي. ندا ياسر جو چوڻ هو ته مان صرف اهو ئي چوڻ چاهيان ٿي ته منهنجي مهمان کي ڪنهن ٻئي مهمان طرفان ذليل نه ڪيو وڃي، اهي سٺا آهن، ڪنهن سان ڪا ذاتي ويڙهه ناهي. واضح رهي ته 2 سال اڳ رابعه انعم ندا ياسر جي مارننگ شو ۾ محسن عباس حيدر سان گڏ مهمان طور شرڪت ڪئي هئي، جنهن سبب رابعه انعم معذرت ڪندي لائيو پروگرام ڇڏي ڏنو هو