عيد جي ٽين ڏينهن به سنڌو درياهه تي ڌاڙي خلاف سنڌ ۾ احتجاجي تحريڪ جو سلسلو جاري، ڪراچي، حيدرآباد، ميرپورخاص، شهيد بينظير آباد، سکر ۽ لاڙڪاڻي ڊويزنن جي ننڍن وڏن شهرن ۾ احتجاجي مظاهرا، ريليون ۽ ڌرڻا، ڪنڌڪوٽ، هالا، خانپورمهر ۽ ٻين شهرن ۾ احتجاجي مظاهرا ڪري ڌرڻا هنيا ويا، ھالا ۾ سنڌو درياهه تي ڪئنال ٺاھڻ خلاف هيومن رائيٽس پروٽيڪشن اينڊ سوشل جسٽس پاران هالا پراڻا وٽان سنڌو درياهه تي پھچي گل نڇاور ڪري ڀيٽا پيش، ڪنڌڪوٽ ۾ مختلف قومپرست پارٽين قومي عوامي تحريڪ، ايس يو پي، ايس ٽي پي ۽ جسقم طرفان سنڌو درياهه مان نوان ڇهه ڪئنالز ڪڍڻ خلاف احتجاج، خانپورمهر ۾ درياهه تي ڌاڙي خلاف آل پاڪستان گڏاڻي اتحاد پاران تعلقه پريس ڪلب آڏو احتجاجي مظاهرو ڪيو ويو، اڳواڻن جو چوڻ آهي ته سنڌو درياهه مان نوان ڪئنال ڪڍڻ سان لاڙ پٽي سجاول، بدين، ٺٽي ضلعن کي سمنڊ ڳڙڪائي ويندو ۽ سڄي سنڌ سڪي ويندي، سنڌو درياهه سنڌين جو جياپو آهي، سنڌ جو ٻچو ٻچو پنهنجي درياهه کي بچائڻ لاءِ وڙهندو، چولستان ۽ ٻيا ڪئنال قبول ناهن، سنڌ کي بنجر بڻجڻ نه ڏنو ويندو